MAMBO MUHIMU ZA KUZUIA NA KUPUNGUZA CHUNUSI

Chunusi ni tatizo sugu linalosababishw a na

mambo kadha wa kadha. Tafiti nyingi za kisayansi zimeshafanywa na zinaendelea

mpaka leo kutafuta mbinu au tiba ya haraka kwa tatizo hili.

Kimila, wengi husema chunusi ni dalili ya kutunikiwa kupendwa na mtu aliyeko mbali na usiyemfahamu (secret admirer), eti basi

ndio maana unatokwa na chunusi (tabasamu basi kidogo). Wapo wanaosema zipo chunusi

za kupevusha yai la hedhi kwa wanawake na wasichana pindi tarehe za mzunguko wake

zinapokaribia. 

Chunusi za namna hii humtoka

mtu kamoja tu na kuwa haijifichi kabisa huku

chache huwatoka katika masikio na wengine

ndani ya pua.

Matokeo ya tafiti za kisayansi za kiutaalam

imegundua kwamba chunusi husababishwa

na kuongezeka kwa uzalishwaji wa

'Testosterone hormone' na mafuta ya mwili

'sebum' wakati wa mabadiliko ya kimwili

(Sebum ni aina ya mafuta kama nta yanayozaliwa kwenye vinyweleo chini ya

ngozi yako). Chunusi pia husababishwa na

msongo wa mawazo, matatizo ya kisaikolojia

pamoja na lishe iliyojaa sukari nyingi na

mafuta. 

Bidhaa kama Manjano (Turmeric),

giligilani, nyanya, ndimu, Aloe Vera, Zinc na

Vitamin ‘A’ ni vitu vya asili vinavyo weza kutibu chunusi. Kuna baadhi ya bidhaa ambazo hazishauriwi kutumiwa hasa kama

mtu unatatizo la kiafya au mjamzito hivyo unatakiwa kuwasiliana na daktari wako kwa

ushauri kabla ya kutumia hizi vitamin nadawa.

T1PS MUHIMU ZA KUZINGATIA

1. Hakikisha unaacha kama sio unapunguza

vyakula vyenye mafuta sheteshete na sukari

nyingi mpaka utakapomaliza tiba yako. Mfano

chipsi, vitumbua, chapati, keki, biskuti, pipi,

soda, nk uviache au upunguze mpaka

utakapopona chunusi.

2. Umeshasikia mara nyingi kuwa “maji ni

tiba”, jenga tabia ya kunywa maji angalau

glasi 8 kwa kutwa nzima

3. Osha uso wako mara mbili kwa siku.

Usinawe uso wako mara kwa mara kama

samaki. Tumia sabuni iliyoandikwa ‘mild

soap’ (mfano Protex Acne Soap au gentle

facial wash) na maji ya vuguvugu wakati wa

kuosha uso wako.

4. Tumia cream au lotion yenye ‘benzoyl

peroxide’ ndani yake. Ukienda pharmacy

(duka la dawa) unaweza kuulizia kwa

muhudumu.

5. Usijaribu kuzitumbua chunusi mwenyewe

maana unaweza kusukuma ‘infection’

ikaingia zaidi ndani ya ngozi yako ambayo

itasababisha uvimbe mwingine na wekundu

kujitokeza. Kama unataka kuzitumbua

chunusi zilizoiva ni vyema uende ‘Professional

salon’ ukafanyiwe ‘facial treatment’ kitaalam.

6. Kama unahitaji kuondoa chunusi kwa ajili

ya shughuli maalum kama harusi au mkutano

ukiwa kama mtoa mada, nenda kwa daktari

wa ngozi ‘dermatologist’ akusaidie

kukupatia tiba ya chapchap. Maana anaweza

kukuandikia dawa za antibiotics za kumeza

au za kupaka – itategemea na hali ya chunusi

na ngozi yako.

7. Jaribu kujizuia kugusa uso wako na

mikono kila mara. Ukiwa unaongea kwenye

simu jaribu kuzuia simu isiguse uso wako –

kunaweza kukawa na ‘sebum’ juu ya ngozi

yako itakayokuathiri .

8. Hakikisha unanawa mikono yako mara kwa

mara kila unapotoka chooni au kila baada ya

masaa kadhaa. Unaweza pia kutumia

‘antibacterial hand gel’. Mikono yako mara

zote iwe misafi.

9. Unapotaka kugusa uso wako mara zote,

hakikisha umenawa mikono yako na sabuni

hasa kabla ya kupaka lotion, cream au make-

up.

10. Kama una vaa miwani, inatakiwa

zipanguswe mara kwa mara maana zinaweza

zoa 'sebum' kwenye ngozi yako.

11. Ngozi yako intakiwa ipumue. Kama

chunusi ziko mgongoni, kwenye mabega au

kifuani, hakikisha unavaa nguo zisizobana.

Kama inakubidi kuvaa nguo za kubana

hakikisha ni safi na unazifua mara kwa mara.

12. Usiende kulala na make-up usoni. Tumia

make-up isiyokuwa na mafuta au soma label

iliyoadikwa ‘Oil free’.

13. Nywele zako zinazogusa usoni ziwe safi

wakati wote au zisiguse uso wako kabisa

maana na zenyewe pia zina uwezo wa kuzoa

‘sebum’ na kuambukiza sehemu zingine

ambazo chunusi hazijatokea.

14. Epuka na jua kali maana mionzi mingi ya

jua kwenye uso au ngozi yako huleta jasho na

kuzalisha ‘sebum’.

15. Hakikisha foronya ya mto wako

unabadilisha kila baada ya siku moja au mbili.

Inashauriwa kama una chunusi zifuliwe kila

siku - hasa kama usiku unatokwa na jasho

usoni wakati wa kulala. Kuna uwezekano

mkubwa wa ‘sebum’ kubakia kwenye foronya

na kuambukiza sehemu zingine za ngozi yako.