HUU NI UNYAMAAA: TAZAMA VIDEO YA TUKIO LA MVUTA BANGI ALIEMCHINJA MDOGO WAKE HUKO SINGIDA:

Taarifa kutoka itv.co.tz imesema Mwanafunzi wa darasa la tatu katika shule ya msingi Kizega wilayani Iramba Mariamu Alphonce mwenye umri wa miaka kumi ameuwawa kikatili kwa kukatwa shingo na kucharangwa kwa panga sehemu mbalimbali za mwili wake na kaka yake aitwae Elibariki  Alphonce.

Akieleza kwa uchungu, Baba wa mtoto huyo Alphonce Msengi amesema alipofika nyumbani kwenye saa kumi na moja jioni alikuta damu nyingi na alipo angalia vizuri alimuona mtoto wake Mariamu Alphonce akiwa amekatwakatwa kwa mapanga na tayari alikuwa ameshafariki.

Baada ya kuona hivyo alipiga yowe na walikuja majirani na watoto na wakamwambia tumemuona mtoto wako Elibariki akiwa na mapanga mawili akikimbia huku akiwa hana nguo ambapo mwenyekiti wa kitongoji Vailet Mbigu na mwalimu mkuu wa shule ya msingi Kizega Elisante Gyuzi, wamesema pamoja na shule kuandaa taratibu zote za mazishi, kijana aliyefanya huo unyama huwa anavuta bangi na mara nyingi alikuwa akisikika kumtishia kumuuwa baba yake kwa kumkatakata kwa panga.

Kaimu mganga mkuu wa hospitali ya wilaya ya Iramba daktari Timoth Sumbe amesema wamempokea Mariamu Alphonce akiwa ameshafariki huku mwili wake ukiwa na majeraha ya kukatwakatwa sehemu za shingoni na kichwani na kamanda wa polisi Singida Godfrey Kamwela amethibitisha kutokea kwa hayo mauaji na kusema jeshi lake linaendelea kumtafuta mtuhumiwa Elibariki Alphonce.

VIDEO HII HAPA CHINI